Chapter Thirteen: I Din Thar Leh Ang U

I DIN THAR LEH ANG U

Nehemia 2:17

Chutichuan an hnenah, “Kan chan a chhiatzia hi in hmu a, Jerusalem a ram tih te, a kawngkharte a kang tih te pawh in hria a; hawh u, sawichhiat kan nih tawh loh nan Jerusalem kulh chu I din leh ang u,” ka ti a.

                                                                                                                    

Introduction:

Kan thupui chang thlan hi Nehemia bu atanga lak a ni a. Nehemia hi Hakalia fapa a ni a. Kum sawmhnihna, Kisleu thlaa lal khawpui Susan-a a awm laiin, Juda-ho sal tang chhuak la damte leh Jerusalem chanchin a zawt a. Sala tang chhuak te chu chumi ramah chuan chan chhe tak leh sawichhiatin an awm tih a hre ta a. Tin, Jerusalem kulh chu a chim rem rum tawh a, a kawngkharte pawh a kang tih kan hre bawk. (Nehemia 1:3) He thu hian Nehemia rilru a ti na em em a, a tap ta hial a. Lungngaiin, chaw ngheiin, van Pathian hnenah a tawngtai tih kan hmu bawk. Tichuan Lal Artazerzia lal kum sawmhnihna a lo thlen chuan, Pathian duhsakna dawngin, Temple sak that a phal sak ta a ni.       

Din Thar:

Nehemia Bu hian Din Thar tih hi Temple din thar chungchang sawi nan  a hmang a, keini hunah erawh chuan Temple sak that tur lam ai mahin, sualin kan nun a thunun lak atanga din thar lam a kawk deuh ber awm e. Mihring fel famkim tumah kan awm lova, a chhelai din thar ngai leh siam that ngai vek kan ni. Nehemia in theihtawp chhuaha Jerusalem din thar a tum ang khan, keini pawhin kan thinlung Temple hi din thar turin theihtawp kan chhuah ve tur a ni. Pathian nena kan inkungkaihna kulh bang tihchim leh tihrama awm tawh siam that leh din thar hi mitinin kan mamawh vek a ni. Anih chuan engtin nge din thar hna chu kan tan ang? Din thar tur chuan engnge ngai tih leh engtin nge kan nitin nunah kan lak luh ve theih dan tur kawng in sawiho dawn teh ang.

A chhelai hmuh/hriat:

Jerusalem chhiat thu hi Nehemia hian sala tang chhuak te tawngkam maia hriat duhtawk lovin, a hmunah kalin amah ngeiin zanlaiah kulh leh khawpui chhiatzia a fang tih Nehemia Bung 2 ah kan hmu a. Eng thil pawh, din thar leh tur chuan a chhe lai hmuh phawt a ngai a ni. Keini pawhin kan nun enfiahin, a thalo lai kan hriat (identify) phawt a ngai a ni. Chu thalo lai kan hriat hnuah chuan a siam that dan tur kawng kan zawng ang a, Pathian kaihhruaina leh awmpuina dil chung zelin chu thalo lai siamthat hna chu kan thawk tur a ni. Siamtha tur chuan a chhelai hmuh phawt a ngai a, din thar tur chuan thawh a ngai a ni.

Nehemia hian Jerusalem kulh chhiatthu a hriat veleh a tawngtaia, “kei leh ka pa chhungte chu kan lo sual ta si a,” tiin amah leh a chhungte tan thupha a chawi a, an hnam pum tihsual chu amah inbel chungin Pathian hnenah ngaihdam dilna a thlen a ni. Keini Pathian rawngbawltu in ti te hian, mi thatlohna leh thil duhawmloh thleng avanga midang mawhpuh mai hi kan hreh lo hle thin a, amaherawh chu Nehemia ang hian midang mawhpuh mai lovin, “ka ti dik lo ani, ka thiam loh a ni” tia bul tanin, enge keimahah siamthat ngai tiin Pathian hnena thupha chawi chungin kan inenfiah zawk tur a ni.

Taimakna leh Rinawmna: Din thar hna thawk tur chuan mi taima nih a ngai a. Thatchhe tak leh ti hne hne chung chuan engmah kan puitlin thei dawn lova, tum khat phur hluai in a daih rei dawn lo, chuvang chuan rinawmna leh taimakna hi thil inkawp tlat a ni a. Nehemia leh a chipuite pawh khan ni 52 chhung lekin Jerusalem din thar hna an thawk a, a hun chhung han ngaihtuah chuan inthlahdahna hman a awmlo tih a chiang reng mai. An zavaiin lungrual takin an thawk a, tumahin, “keichu ka pha” emaw “keichu ka hman lo” ti an awmin ka ring lo. Nehemia te hi indona hmun leh ringlo mite hual vel kar a hnathawk an nih avangin inthlahdah thei an ni lo, “chutiang chuan hna chu kan thawk a; tin, a zatve chuan khawfingchah atanga arsi lan thlengin feite chu an kawl reng a.” (Nehemia 4:21) Tunlai huna thalaite awmze neilova rei tak tak men leh zing thawh tlai nen chuan khaikhin chi rual a ni lo.

Tranrual:

Nehemia hian amah chauhvin Jerusalem din thar hna hi a thawk zo thei dawn lo tih a chiang reng mai. Nehemia 2:17 ah Nehemia chuan “Hawh u, sawichhiat kan nih tawh loh nan Jerusalem kulh chu I din leh ang u,” tia a sawmna/rawtna chu phur takin a chhungte chuan an lo pawm ta a. “Tin, anni chuan, ‘I tho vang u khai; I din teh tak ang u,’ an ti a. Chutichuan, chu hna tha thawk tur chuan an kut an tichak a.” (Nehemia 2:19)

Din thar hna leh rawngbawl hna hi mahni chuan engemaw chen chu kalpui theih a nih rualin, a huhova thawh chi a ni. K.T.P. leh Kohhran rawngbawlna hna hrang hrang te hi inanglo tak tak an ni  a. Pastor, Upa, Zirtirtu leh Chokidar hna thlengin mahni thawhtur bil chanpual kan nei vek a, chu chanpual chu hneh taka kan thawh theuh chuan, Kohhran a lo phuisui thin. Chutiang bawkin K.T.P. rawngbawlna ah pawh, a then hruaitu, committee member leh member pangai ve tawp te kan ni ang. Hruaitu chuan midang kaihhruai hna tha takin thawk se, tin member satliah ka ni, engmah talent ka nei ve lo inti te pawhin member active tak nih ringawt pawh khan hna tha tak kan thawk a lo ni zawk reng a. Thufing pawhin, “Tanrual hi chakna a ni” tiin a lo sawi tawh nghe nghe. Nehemia te chhungkua pawh hian Jerusalem din thar hna thawk turin hna hrang hrang te chu awmze neiin an insem diat diat a, Jerusalem kulh leh a Kawngkharte chu mahni in zawn theuh an siam tha ta a ni. “Nang I awmna hmunah, kei ka hmunah” tiin inlungrual tak leh rilru hmunkhat puin, taima leh rinawm taka rawngbawl hna kan thawh hi ringtu ten kan tih makmawh a ni.

Tawngtai:

Eng thil pawh ti dawn ila, tawngtaina tel lo chuan Pathian aw kan hre thei thin lo. Nehemia pawh khan tawngtainain bul a tan a, tawngtaina hmangin Pathianin a thil tumte a hrilh hria a, an hna thawh chu tawngtaina vekin an khar leh bawk. Nehemia hian tawngtaina a hmang hnem tih kan hria a, a hlawhtlinna bul ber pawh tawngtaina a ni. Keini Kristian te pawh hian eng thil pawh ti dawn ila, tawngtainain bul kan tanin, kan hun hnuhnung pawh tawngtaina vekin kan khar tur a ni. Mi tawngtai hnem apiangin Pathian Aw an hre thin si a. Tin, tawngtai bakah Bible taima taka chhiar hi Pathian Aw kan hriatna kawngkhat a ni bawk.

Infuih tawn:

Jerusalem din thar hna thawh hi thil awlsam a ni lova, harsatna leh dodalna tam tak an tawk ngei ang. Horon mi Sanbalata te, Amon mi Tobia leh Arab mi Geseman-a ten an nuihzat bur a, an hmusit a, hel tumah te an puh a. Amamerawh chu Nehemia hi harsatna leh dodalna lakah a zam mai lo, a theih ang tawkin a chhungte leh amah vek pawh a infiuh thar leh thin. “Van Pathian chuan mi tihhmuingil ang a; chutichuan, keini a chhiahhlawhte chu kan tho vang a, kan din ang a.” (Nehemia 2:20)

Nehemia hian harsatna leh dodalna tawk mah se, a thim zawngin a inngaihtuah ve ngai lo, Pathian an lamah a tang a ni tih hriain, a eng zawngin thil a thlir fo thin. Tunlaia thalaite zingah ‘depression’ a lar em em a, mahni inkhawngaihna suala thalai tam tak kan tang mek zel a ni. Nehemia anga mahni theihna leh chakna ringlova, Pathian chakna hmanga, din thar hna thawk tura a eng zawnga thil thlir kan zir ve tur a ni. Bible chang, “Mi tichaktuah chuan engkim ka ti thei a ni” (Philippi 4:13) tih hi kan chakna thuvawn a ni tlat tur a ni.

Rawngbawl hna a chian:

Thalaite Pathian rawngbawlin kan phe suau suau emaw kan intih lai hian, kan rawngbawlhna kan chiang takzet em tih I inenfiah thin ang u. Nehemia pawh khan a rawngbawl chhan leh a hnathawhah a chiang em em a. Vawili lai Ono phaia khaw pakhata intawk khawm turin Sambalata, Tobia leh Geseman te chuan an sawm tih akn hmu a, amawerawhchu Nehemia chuan, “Hna ropui tak ka thawk a, ka lo chhuk thei lo. Engah nge in hnena ka rawn chhuksan hlanin hna chu a chawlh ang?”  tiin a lo chhang mai thin. (Nehemia 6:3) Kan rawngbawlna ah pawh kan khawvel thianten thil nuam zawk daihah min lo sawm pawh a ni thei, “Hna tha ka thawk a, ka lo kal thei lo” tih rilru puchungin khawvel thil kan hnawl ngam a ngai a ni.

Tunlai khawvelah intihlimna (entertainment) lamah hma kan sawn em em a, media, sports, music, etc. lamah program hlimawm tak tak kalna tur awmna karah hian, keini Pathian rawngbawltute hi chuan kan duhthlanna I hmang fimkhur ang u, Pathian rawng leh khawvel rawng a bawl khawp theih silova.

Inpumpekna:

Pathian hna thawk a, din thar tur chuan tisa leh thlarau inpumpekna hi a pawimawh em em a ni. Rilru chuan chakin duh viau thin mahse, kan taksa in hna a thawh loh chuan awmzia a nei vak lo. Chutiang bawkin thlarauvah kan awm loh chuan kan hnathawhin kawng a bo thei.

Nehemia pawh khan retheih huamin a ‘lal no hlantu’ nihna aiin Jerusalem kulh din that leh chu a thlang ta zawk a. Pathian rawngbawl tur chuan kalsan neih a ngai thin a ni. Nehemia hunlaia lal rawngbawltu nih chuan hamthatna tam tak a ken dawn tehlul nen, mahse ama hna aia hna ropui zawk thawk tur chuan a khawvel hna kalsan chu a hreh hauh lo. Keini pawhin chu ‘kalsan ngam nun’ chu kan entawn tur a ni. Tunlaiin ‘eizawnna leh rawngbawlna’ tih thupui hmangin inhnialna tam tak kan vawrh vel a, amaherawhchu Pathian hna thawk tur chuan kan khawvel eizawnna te hi kan in dan tir loh hi a tha ber.

Din thar hna:

“Unaute u, a kohna che u hi ngaihtuah teh u, tisa lama mi fing tam tak te, mi tha tam tak te koh an nih loh zia hi.” (I Korinth 1: 26) Din thar hna thawk tur hian Pathianin mitin min ko a, “Aw Pathian, keimahah hian thinlung thianghlim tak siam la, Ka kawchhungah hian thlarau dik tak siam thar leh ang che,” (Sam 51:10) tiin tawngtaina nen mahni theuhah bul tan ila, chutianga inlungrual taka, rinawm leh taima taka bul kan tan theuh chuan kan ram, kan hnam, Kohhran leh chhungkaw thluchhe mek hi kan tungding leh ngei ang.

Pathian nena kan inkungkaihna kulh bang tihchim leh tihrama awm tawh siam that leh din thar ngai kan neihte vawiinah hian mahni theuh inzawt nawn ngam ila. “Eng pawh ni sela, kan thlen chin atang khan hma I sawn zel ang u,” (Phillipi 3:16) tia infuih tawn zelin, kan mimal, kohhran leh khawtlang nun dinchhuah zel theih nan dinthar kan ngaihna zawn theuh ah din thar leh ila, van malsawmna thar kan dawn leh theuh theihna turin, “I din thar leh ang u.”

(2014)

                                                                               

Chapter Twelve: I Rawngbawlna Kha Hlen Rawh

2Timothea 4:5

“Nang erawh chu engkimah fimkhur la, hrehawm tuar la, Chanchin Tha hriltu lam hna thawk la, I rawngbawlna kha hlen rawh.”

Johana 12:26

“Tu pawhin ka rawng a bawl chuan mi zui rawh se; ka awmnaah ka rawngbawltu pawh a awm ang; tu pawhin ka rawng a bawl chuan ani chu Pain a chawimawi ang.”

Bible ah hian rawngbawlna lam thusawina vawi 2000 vel kan hmu a. Grik tawngah chuan rawngbawltu tih sawina tawngkam lar pathum a awm a, chung te chu: Leitourgikos – hei hian Puithiamte rawngbawlna sakhaw serh leh sang a kawk bik a ni, Huperetes – hei hian tanpuitu, tirhkah, thlawptu tih a kawk a ni, Diakonos – hei hian chhiahhlawh, mi hnuaihnung tak ten an pu, mi ropui takte rawng an bawlsak lam a kawk deuh bik a ni. Heng pathum zingah hian Thuthlungthar-in a hman zin ber chu Diakonos hi a ni a, mahni indahtha a, mahni hlawkna pawh awm lova midang tana rawngbawl a ni, hei hi Isua Krista nun nena inrem tlat a ni.

I.                   Rawngbawlna chu enge ni?

Lal Isua Krista a nunthar nei tawh te chuan chhandamna an chang thin a. Chu chhandamna chang apiang te chu mi piangthar kan ti thin. Kristian tha tak chu mi piangthar a ni tur a ni a, Kristaa kan piangthar chiah hian nun thar kan lo nei a, kan tih thin te simin, kan tih ngai loh thil tha, rawnbawlna hna kan tan a lo tul thin thin a ni. A rawngbawl hna thawk tur hian Pathianin mitin min kova, amaherawhchu a chhandamna chhang hmasa lova rawngbawl hna kan chelh erawh a rem lovang. Rawngbawl hna hi mi zawng zawng thawh ngawt theih a ni lo a, rawngbawl tur chuan kan piangthar ngei tur a ni. Piangthar silova rawngbawl hna kan chelh ve ringawt chuan “buh lem” Bible in a sawi ang mai chauh kan lo ni dawn a ni.

Rawngbawlna in a tum ber chu Krista ringtu ni tura midangte sawm leh Krista nundan entawna nung ve tura midangte kaihhruai hi a ni. Rawngbawltu chu Kohhranin a ruat chauh nilo, Isua Krista chhandamte hi an ni a. Rawngbawlna diktakah chuan mahni inhre chang lova rawng kan bawlsak Pathian duhzawng chiah ngaihtuah tur a ni a, mahni duhdan leh ngaihdan paihthlak a, mahni mawina leh larna tur zawng zawng tlansan chunga Pathian duhzawng anga awm tur a ni. “Aw Pathian ngai teh I duhzawng ti turin ka lo kal e” (Hebrai 10:7) tiin kan rawngbawlna hlen turin tan I la zel ang u.

II.               Engvangin nge rawng kan bawl ang?

Rawngbawla tura chhandam kan nih avangin Pathian rawng kan bawl tur a ni. Rawngbawl tura chhandam tih hi “rawngbawl ba- a chhandam” tiin sawifiah tum ta ila hriatthiam a awl deuh zawk awm e (bawl lo ila min chhandam lovang tia lak kawih loh hram nise.) Pathian hmanrua ni tura chhandam kan nih ang taka, he leia hna thianghlim leh ropui ber, lei leh van lal ber rawngbawl hna hi kan tih tur a ni. Pathian rawngbawl hna chelh hi chhandamna in a tum, chhandamna nena inzawm tlat a ni.

III.            Lalpa hman thlak rawngbawltu:

Kan sawi tawh ang khan Pathian rawngbawl tur chuan mi piangthar nih a ngai a ni. Piantharna hian ringtu nunah hmabak tam tak min chhawpchhuak a. Hla in “Ka tih thin te tih a rem tawh lawng, ka tih ngai lohte tih a tul zawk a” a tih ang khan, khawvel nawmsakna thil tamtak kan tlansan a, kan tih ngailoh pui pui te pawh hrehawm zawk mahse, tih a lo tul ta zawk thin a ni. Pathian tana hnathawktu pawmthlak loh kan nih theihna tura thil min daltu zawng zawng chu huaisen takin paihthlak I ngam  ang u.

Timothea hnena Tirhkoh Paula lekhathawn ah te hian rawngbawltute awmdan tur kan hmu hnem em em a. “Kohhran rawngbawltute chu mi zahawm an ni tur a ni; kamtam lo, uain heh te, hlepna bawlhhlawha duham mi te an ni tur a ni lo; chhia leh tha hriatna thiangin rinnathuruk chu pawm mi an ni zawk tur a ni.” (1 Tim 8-9)

Kan thinlungah Pathian a chen tawh chuan ngaihtuahna sual leh itsikna kan neih a rem tawh lova. Kan taksa tichhe thei zawng zuk leh hmuam, zu leh drugs a kan tibawlhhlawh a thiang tawh hek lovang. Tin, nulat tlangval kawngah Josefa anga insum thei thalai kan nih a tul a ni. “Chuvangin, chung thil laka mi a inthiarfihlim chuan bungbel thianghlim, Lalpa hman thlak, hnatawh tha tinreng inpeih sa, ngaihhlut tur mi a ni ang” tiin kan Bible in min hrilh si a. ( 2 Tim 2:21)

IV.             Engtin nge rawngbawlna chu kan hlen ang?

Timothea hnena Tirhkoh Paula lekhathawn te hi khawhar taka a hun tawp lama lung in atanga Paula ziah a ni a. Paula’n Timothea rawngbawltu tha tak a nih theihna tura a fuihna an ni.

A hmsaberah chuan Paula hian Timothea hi Pathian Lehkhabu thianghlim ngaina turin a fuih a, a ngai pawimawh em em a ni. Dema chuan tunlai khawvel a ngainat avangin Paula a kalsan tih kan hmu a, hei hian Paula rilru pawh a tina em em a ni. Paula hian Timothea hi a hnenah lo kal thuai turin a chah a, “savun lehkha mawlh kha rawn keng ang che” (2 Tim 4:13) tiin a chah lawm lawm a nih kha. Kan Pathian Lehkha Bu hi a thianghlima, mihring in kan mamawh chhanna leh nunna min petu a awm tih hriain, kan rawngbawlna hlen kawnga kan tih hmasak ber tur chu Bible ngainat hi a ni. “Pathian Lehkha thu zawng zawng hi Pathian thawk khuma pek a ni a, zirtir kawngah te, thiam loh chantir kawngah te, zilh kawngah te, felna zirtir kawngah te a sawt bawk a ni. Pathian mi chu hna tha tinreng thawk tura kim taka inthuamin a famkim theih nan” (2 Tim 3:16-17) Rawngbawltu in Bible behchhana rawng a bawl a, Bible thu mila a ke te a pen tlat chuan, Dema angin khawvel thilah a peng bo ngai lovang a, Lalpa hmantlak in a rawngbawlna a hlen thei dawn a ni.

A dawt leh ah chuan rawngbawlna hlen tur chuan tawngtai kan taima tur a ni. Tawngtaina thil tihtheih zia chu sawi kher ngai lovin kan hre theuh awm a. Tawngtaina chuan Pathian min hnaih tir a, kan lawm viau laia min chelhtu, kan chakloh ber lai pawha min chawktho tu a ni si a. “Chutichuan, a tir berin thil dil tawngtaina te, tawngtaina hrim hrim te, tawngtaisakna te, lawmthu sawina te mi zawng zawng tan siamsak turin ka fuih a che” (1 Tim 2:1) tiin Paula pawhin tawngtaina uar turin min fuih sauh sauh a ni.

Hreawm mahse thawk zel ta che,

Tawngtai engmah theihnghilh lovin;

I chawlhna ni a lo hnai e,

Nghak hram la phunnawi lovang che.

            Tin, rawngbawltu chu a tuarchhel tur a ni. A nuam chin chauhvah leh mahni langsarh na chauhvah Pathian rawng hi kan bawl tur a ni lova, hrehawm tawrh huam lo tan Pathian rawng hi bawl ve ngawt chi a ni lo. Bible chuan, “Krista pawh khan a tuarsak che u avangin hetiang ti turin koh in ni asin; a hniaka in zuina turin entawn tur a hnutchhiah che u kha” (1 Petera 2:21) a ti a, a hniak zuia Isuan entawn tur min hnutchhiah chu ‘tuarna’ hi a ni. Ringtu nun leh rawngbawlna a pawimawh em em chu “thuawina” hi a ni. Thuawih rah chuan ringtu tha a hring thin a, chu chuan rawngbawltu tha a hring tel thin. Kan Bible chuan “hmangaihna” a ngai pawimawh em em a, kan hmelma te thlenga hmangaih tur leh tawngtaisak turin min ti a ni.

V.                K.T.P  Rawngbawlna

Thalai ten kan phak tawka rawngbawlna Kohhranin min hlui chu K.T.P hi a ni a. K.T.P kan nei hi kan vannei em em a. A hmalama rawngbawltu leh rawngbawlhna chungchang kan sawi te kha a taka kan tihlan theih na chu K.T.P kaltlangin a ni. Tunah chuan K.T.P thil tum hmangin keini thalai te hian kan rawngbawlna kan hlen theih dan kan sawi ve thung dawn a ni.

§  Isua Krista rinna leh Amah anna kawnga thalaite kaihhruai: Kristain Thalai te chuan Isua Krista ringa midangte kawng dik lama kaihhruai hi kan tih tur a ni. Rawngbawltu chu mi hnunga kal tur a ni lova, hma a hruai tur a ni. Kan nun hi mi te tan “testimony” a ni tur a ni a. Kan chhetzia hian thu a sawi thei a, kan rinna hian thlarau bo tam tak a hruai kir thei a ni. Hla pawhin “Miten min chhiar min thlir reng e, ka awm dan zawng zawng an hai lo, Krista nun mawi leh chanchin tha keimahah hian hmuh an chak thin” tiin a lo ziak tawh a. Kan nungchang hian Pathian rawngbawltu kan ni tih a tarlang tur a ni. “Keinniho hi Krista rawngbawltuah leh Pathian thuruk enkawltuah miin min ngai rawh se.” (1 Korinth 4:1)

§  Kohhran kutke ni tura thalaite buatsaih: Kohhran chu Krista a ni a, Krista chu kohhran lu ber a ni. K.T.P a active taka inhman ringawt hi rawngbawlna hlenna a ni lova, rawngbawltu chuan Kohhran serh leh san te a ngaipawimawh tur a ni a, Kohhran inkhawm ah te kan tel kim tur a ni. Tin, midangte pawh Kohhran ngaina tura kaihhruai hi rawngbawlna pawihmawh tak a ni bawk.

§  Kohhran hnathawh tihpuitlin: Mi in Kohhran a bel tlat chuan a peng bo ngai lova, chaw tha a ei in a tlai thin. Kohhran hian Kristian nun tifamkim turin kawng hrang hrangin hma a la thin a. Chumi tipuitling tur chuan pastor leh upate chauh an tawk lova, keinni thalaite hian kan hlenchhuahpui tur a ni. Rawngbawl tura chhandam thalaite hian kohhran rawngbawlna hmachhawp te hi kan hlen tur a ni.

§  Krista Chanchin Tha puan darh: Chanchin tha puangdarh tur hian mi bik; missionary, pastor emaw upate chauh chanvo a ni lova, kan zavai chanpual a ni. Kan Bible chuan, “Thu chu hril rawh; a hunah te, a hun lovah te pawh bei zel rawh” (2 Tim 4:2) tiin min fuih a ni. Mahni insit in, thu ka sawi thiam lo pawh ani maithei, kal chhuak kher lo pawhin kan thil tih leh nunchang te hian thu kan hril thei a ni. Paula’n “Engpawh nise, in awm dan leh Krista chanchin tha chu in mawi phawt rawh se” (Phil 1:27) a tih ang khan kan tih leh kan sawi, kan chetzia zawng zawng hian Krista chanchin tha kan hril thei a ni.

Rawngbawlna hlen tur chuan Pathian leh keimahni inkar a fel a ngai a. Thil tam tak sawi tur awm mahse, a pawimawh ber chu chhandam nih in hriata, mi piangthar Lalpa hmantlak bungbel thianghlim ni tura inserh hran hi a ni. Pathianin a rawngbawl tura min kohna aw haider tur hian Setana’n mahni inhmuhsitna sual in min thlem thin a. Tha tawklo, tling tawklo anga inhriatna te, midang itsikna te, mite anga talent nei ve lo anga inhriatna tein min tibuai thin a, amawhereawhchu kan Bible chuan, “thilpek hrang hrang a awm a, Thlarau erawh chu hmun khat a ni. Rawngbawl dan hrang hrang pawh a awm a; nimahsela, Lalpa chu hmun khat a ni. Hnathawh dan hrang hrang a awm a, Pathian erawh chu hmun khat a ni” (1 Korinth 12:4-6) tiin chiang takin a sawi a. Mi piangthar I nih tawh pawht chuan kan Pathian hian tunge I nih a, khawi atanga lo kal nge I nih a, eng ang mi nge I nih a thliar lova, I nihna ang khan, I awm ang khan he khawngaih rawngbawl hna hi I chungah a nghat a sin. Nang Ringtu? Engtin nge he kohna hi I chhan ve dawn le? Pathianin hmaichhanah a zawh hun tur che I suangtuah ngai em le? “I rawngbawlna kha I hlen tawh em?” tiin.

Lalpan a thu malsawm rawh se

Amen

      (2013)

Chapter Eleven: Alcheringa 2010

Lalbiakdiki, IV Semester

                                                                                                                             Dept. of English

As students of Mizoram University I guess we always had our moments at Alcheringa and likewise, it was a sparkling and memorable moment for all 22 students who participated in Alcheringa 2010 at IIT Guwahati. We had such a good time that whatever memories we had of it will always be a part of our memorable dreams. And yes of course, the name Alcheringa is taken from a native Australian language meaning Dreamtime, it was indeed a dream for us, only that it came out to be true and real.

It was on the 2^nd February that we left Aizawl and finally reached Guwahati by noon of 3^rd February. I recall the several number of times we stopped on the way, often for tea, lunch and dinner, at times lost, but mostly it was something to do with Rohminga and Tpa that made us wonder that perhaps we need to install toilets at the back of the bus or so… anyway, the bus ride was fun although it was cruelly cold at night, but for our respected Zara, he was still all-smiles in the morning. I don’t exactly know how he does that, perhaps someday time will tell us the secret of his happiness, and obviously it’s not Denrite. One thing that made the journey interesting was Goosh’s unique sms jokes, he would graciously share us jokes that everyone would feel quite at home. There were notably ten girls among us representing eight Departments, and the thought of that made me realized the unity of all the departments of MZU, that for everything we do, we’re all in it together – As One.

The second day i.e. 4^th February was utilized to learn Cheraw and for most of us, it was our first time. However, thanks to our dear instructor Tpa who sweated out all the steps and moves and we girls were swaying to the drumbeats of Vavala. I know we were not the best Mizo dancers there were but for Team MZU we were the best. At nightfall, our band ‘Crucifix’ performed for Prelims, we were less, but we made the loudest crowd and one would be blind not to see Goosh’s special dance or rather head bang. Our band performed three songs and all were a hit, nevertheless it turned out it was not so much for the judges and that was the last of their performance.

On 5^th February at 9am in the morning we performed Cheraw and it was an elegant display. With ‘Victory’ as our theme, the vibrant colours of our dress highlights the exotic display of the dance, and the crowd was lulled with awe. Our team also performed a freestyle group dance starring Hmingchhuangi at the front, it made quite an appreciating gossip within the campus. The rest of the day was utilized to practice for the Hot Couture. Eight of us participated under the supervision of Master Mawia. This guy taught us to step on our heels and walk as what seems like a catwalk. It was amazing how one day could be so short at the campus, time flies, each one of us were busy in our own ways and it was evident that we all gave our very best in whatever we are in. At night we dress up with all scarfs and grace and hang out at the stalls and had noodles and coffee and with that the fourth day was well spent.

The fifth day i.e. 6^th February greeted us with the first round of Hot Couture. The show was awesome and we had a blast and to top it all up, we were among the selected top five. And so the day commenced with us practicing for the Grand Finale. At the same time, we had news that Rebecca grabbed the third prize in Solo, and the team duel Sangtea and Rosy stood first at the ‘Amazing Race’. I assumed they had their moments. It was a busy moment at night at the Girl’s Hostel and so was it too at the Boy’s Hostel. We girls were up late practicing for Theatrix for the next day and I was sure Chunga had a lot of thinking to do in order to mould a model of ‘Saphai’ for Theatrix.

The final day i.e. 7^th February started for us as early as 9am in the morning where we displayed “Liandova and Tuaisiala”. The play was unique, richly traditional and the whole cultural ethos was much appreciated by everyone. I bet Aboihi and Jacqueline made the best Liandova and Tuaisiala, if not Zuia for his unique ‘Hlado’. The final event of ‘Hot Couture’ required a lot of rushing, twisting, spraying etc. It seemed as if accessories, combs, powders, tissues were flown from end to end. It was total chaos at the greenroom but Wallah!!! It was total hit on the ramp. That night was well spent at the campus enjoying ourselves and having the last of fun. On the next day i.e. 8^th February, we left IIT Guwahati early at 6am in the morning. Our journey home was rather quiet and involved a lot of sleeping. It was on that faithful day of 9^th February that we safely reached Aizawl. And on arriving the city we bowed together to our last Prayer like we had done every night in our respective hostels.

Overall, our Dreamtime at Alcheringa was a refreshing experience. Although our team did not win big stuffs, nevertheless we sure win each other’s friendship, after all we were Team MZU and we were proud of it. The success of the trip lies not on the size of the trophy, even if there were no trophy or badges, its true success lies in our hearts, the experience, the exposure, the friendship that comes with it. And so I conclude this brief account of Alcheringa 2010, and dedicating this to all my new found friends – Hail! Team MZU! We’ve done our best!!!

 Dreams can often become challenging, but challenges are what we live for - Travis White.

(This article was written on March 2010, recounting the wonderful experience the MZU Team had at Alcheringa 2010 at Guwahati, the article was published the in the same month on MZU Newsletter and later published at Lunglohtui: The Annual Magazine 2010, MZU.)